ນອກແວ ສັ່ງຊື້ລົດຕັງຫຼັກລຸ້ນລີໂອພາດ ຈາກເຢຍລະມັນ
ສຳນັກຂ່າວສະປຸກນິກ ຣັດເຊຍລາຍງານວ່າ: ເມື່ອບໍ່ດົນມານີ້, ສຳນັກງານຝ່າຍຄຸ້ມຄອງ ດ້ານຍຸດໂທປະກອນຂອງກອງທັບ
ນອກແວ ໄດ້ລົງນາມເຊັນ ສັນຍາສັ່ງຊື້ລົດຕັງຫຼັກລຸ້ນ ລີໂອ ພາດ (Leopard 2A7 ຈຳນວນ 54 ຄັນ ກັບບໍລິສັດ Krauss-Maffei
Wegmann GmbH & Co. KG (KMW) ເຢຍລະມັນ.
ໂດຍລົດຕັງຫຼັກລຸ້ນນີ້, ເປັນລຸ້ນໃໝ່ຫຼ້າສຸດທີ່ຜະລິດໂດຍເຢຍລະມັນ, ທີ່ນອກແວ ສັ່ງຊື້ງວດທຳອິດຈຳນວນ 54 ຄັນ ເຊິ່ງມີ
ກຳນົດສົ່ງມອບໃຫ້ແກ່ກອງທັບນອກແວ ເລີ່ມແຕ່ປີ 2026-2027. ຂໍ້ຕົກລົງດັ່ງກ່າວ, ຍັງລວມໄປເຖິງແຜນການສັ່ງຊື້ງວດທີ 2 ເພີ່ມ
ອີກ 18 ຄັນ. ແຕ່ສັນຍາໄດ້ລະບຸວ່າ: ໃຫ້ສົ່ງມອບລົດທີ່ສັ່ງຊື້ງວດທຳອິດສຳເລັດກ່ອນຈຶ່ງດຳເນີນການຕໍ່ງວດທີສອງ. ທ່ານ ລັບ ເກັດເຊວ
ຜູ້ອຳນວຍການບໍລິສັດ KMW ໄດ້ກ່າວວ່າ: ການລົງນາມເຊັນສັນຍາຄັ້ງນີ້ຖືເປັນສັນຍາຄວາມຮ່ວມມືທີ່ມີຄວາມໝາຍ ຄວາມສຳຄັນທີ່
ສຸດຕໍ່ນອກແວ, ບໍ່ວ່າຈະໄລຍະສັ້ນ ກໍຄືໄລຍະຍາວ ແລະ ກ່າວຂອບໃຈຝ່າຍນອກແວ ທີ່ໃຫ້ຄວາມເຊື່ອໝັ້ນຕໍ່ບໍລິສັດ.
ທາງການນອກແວລະບຸວ່າ: ສຳລັບໂຄງການສັ່ງຊື້ລົດຕັງຫຼັກລຸ້ນ Leopard 2A7 ຄັ້ງນີ້ຈະເປັນການເສີ່ມສ້າງ ແລະ ເພີ່ມສະ
ມັດຕະພາບຂອງກອງທັບຕົນຂຶ້ນສູ່ລະດັບສູງ ໂດຍລວມມູນຄ່າການຈັດຊື້ທັງໝົດຄັ້ງນີ້ປະມານ 19,7 ຕື້ໂດລາສະຫະລັດ, ລົດດັ່ງ ກ່າວ
ຈະນຳມາທົດແທນລົດຕັງຫຼັກລຸ້ນ Leopard 2A4NO ທີ່ມີປະຈຳການຢູ່ໃນກອງທັບຕົນມາເປັນເວລາຫຼາຍສິບປີແລ້ວ.
ແຫຼ່ງທີ່ມາ: ໜັງສືພິມກອງທັບ
ວັນທີ 21/02/2024